కర్మ జ్యోతిష్య సిద్ధాంతం ప్రకారం…. పితృదోషం ఉన్నవారు తప్పనిసరిగా నివారణ చర్యల కోసం ఆలోచన చేయాలి. చిన్న వయసు నుంచే కెరీర్ లో ఇబ్బందులు,కష్టాలు, విద్యలో ఎదుగుదల లేకపోవటం, ఎంత చదివినను పరీక్షలలో ఉత్తిర్ణత శాతం పెరగకపోవటం…. ఒకవేళ విద్య లోనూ ఉన్నత విద్యలోనూ బాగా ప్రవీణ్యం ఉన్నప్పటికి…. తాము చదివిన విద్య, దేనికి పనికిరాకుండా పోవటం జరుగును. ఒక్కోసారి తమ తమ చదువులకు తగ్గట్లు గా ఉద్యోగాలు లేకుండా…. కేవలం బ్రతుకుతెరువు కోసమే జీవనం సాగించే వారు ఎందరెందరో ఉంటారు. ఇలాగే తమ జీవిత కాలాన్ని వెళ్ళదీసుకుంటారు.
ఇక కొంతమంది ఉద్యోగం వద్దని, వ్యాపారమే ముద్దుగా భావించి…. తమకు తోచిన వ్యాపారాలపై మక్కువ చూపుతు… లక్షలాది రూపాయలను పెట్టుబడిగ ఉంచి…. చివరకు చిల్లిగవ్వ కూడ సంపాదించలేక, రుణ బాధలతో, మానసిక బాధలతో నష్టపోతూ, చివరికి తట్టుకోలేక జీవితాన్నే బలితీసుకుంటారు.. ఇందులో కొంతమంది మహా తెలివితేటలు ప్రదర్శిస్తూ, తమ తమ వ్యాపారాలను భారీగా వ్యాప్తిజేసీ….చివరకు నమ్మక ద్రోహాలవలన,అతి తెలివి ప్రదర్శించిన కారణంగానూ…దివాలా తీసి ఆస్తులను పోగొట్టుదురు.ఇందుకు ప్రధాన ఉదాహరణగా అనిల్ అంబానీ గారిని చెప్పుకోవచ్చును.
ఇక సంతాన అంశాలలోకి వస్తే….. వివాహమై సంవత్సరాలు గడిచినను సంతానం లేకుండా ఉంటుంటారు.. పూజలు, వ్రతాలు, నోములు చేస్తుంటారు. వాటివలన కూడా ఫలితం దొరక్క వైద్యులు చుట్టూ తిరుగుతుంటారు.. ఇన్ని చేసినను సంతానం సాఫల్యం కాకుండ ఉండును. గర్భం ధరించిననూ గర్భ స్రావాలు జరగడం… ఒక్కోసారి గర్భం నిలిచిననూ, చిట్ట చివరిలో ఏదొక సమస్య రావటము…. ప్రసవం అయినప్పటికీ, కలిగిన సంతానం ప్రయోజకులు కాకుండా ఉండిపోవటం జరుగును. కొన్నిసార్లు చక్కని సంతానం కలిగి విద్యాధికులు అయినను… సరైన రీతిలో తమ జీవితాన్ని కొనసాగింపక సంఘవిద్రోహ శక్తులతో కలవటము, తల్లితండ్రులకు చెడ్డ పేరు తెచ్చేవారుగా ఉంటారు..మరికొందరైతే అల్పాయుష్ తోనే జీవితం వెళ్ళదీసుకుంటారు… ఈ విధంగా చెప్పుకుంటూ పొతే సంతాన సమస్యలు అనేకముంటూ…చెప్పలేని స్థితుల
తో మగ్గిపోతుంటారు…
అలాగే వివాహ నిర్ణయాలకొస్తే, ఎన్ని ప్రయత్నాలు చేసిననూ వివాహం కాకుండా ఉండిపోవటము… ఆలస్య వివాహాలు, దాంపత్య సమస్యలు, న్యాయస్థానాలచే విడాకులు వచ్చిననూ, విడాకులు ఇచ్చిన వ్యక్తితో తిరిగి సమస్యలు ప్రారంభం కావటము, దంపతుల మధ్య కొట్లాటలు హత్యల వరకు దారితీయుటం, ఒక్కోసారి వరుసగా 2 లేక 3 వివాహాలు జరిగినను, అవి విఫలం కావటం… ఇలా ఇలా ఎన్నెన్నో తీవ్రాతి తీవ్ర సమస్యలు ఉత్పన్నం కావటం జరుగు సూచనలు అధికం. కేవలం పితృదోషాలతోనే కాకుండా నాగదోషం, కారకో భావనశాయ,కుజదోషం వంటి తీవ్ర దోషాల ఫలితాలు కూడా ఈ కోవలోకే వస్తాయని గమనించాలి
ఇక ఆయుర్భావ విషయంలో గండములు, ప్రమాదములు, అల్పాయుష్షు, వంటివి ఉండమూ, ఇవే కాకుండ ఆపనిందలు, అపజయములు, అవమానములు, న్యాయ వ్యవహారములలో గెలుపు, ఓటములు, ఎన్నికలలో గెలుపు ఓటములు, జననేంద్రియ సమస్యలు, దౌర్జన్యాలు, అవకాశాలు చేజారిపోవటము, అన్యాయం గా ఆస్తులు ఆక్రమించటము, రాజదండనాలు, వ్యసనములకు లోనవటము, దారిధ్ర్యమూ , కారగారము, శత్రువులు,రోగములు, ఋణములు,వ్రణములు,విపత్తులు పెరగటము,ధనం రొటేషన్ చేయలేకపోవటము, జీవితమంతా అసత్య వాక్కులు, కుటుంబ వ్యక్తులతోను, దాయాదులతోనూ, ఇరుగుపొరుగు వారితోనూ కలహాలు, నష్టాలు మొదలగువన్నీ ఒకదాని వెంట ఒకటి రావటం జరుగుతుండును.
అన్నింటి కంటే ముఖ్యంగా జాతక చక్రాలలో 10వ స్థానాన్ని లైఫ్ అడ్మినిస్ట్రేషన్ అంటారు.11వ స్థానాన్ని లాభ స్థానమని అంటారు.9వ స్థానాన్ని అదృష్టస్థాన మంటారు. 10, 11 స్థానాలలో సంపాదించిన లబ్ది కావచ్చు, కీర్తి కావచ్చు, ఎదుగుదల కావచ్చు, విశేష స్థితిగతులు కావచ్చు…. ఇవన్నీ చిరస్థాయిగా ఉండి, ఆ జాతకులు సుఖ సంతోషాలతో జీవనం గడపాలంటే, తప్పనిసరిగా వారి జాతకంలో నవమ స్థానామనే అదృష్ట స్థానం మరింత బలంగా ఉండాలి. కానీ ఈ అదృష్టస్థానమనేది కొన్ని సార్లు పితృదోషాల వలన బలహీనపడుతుంటుంది. అందుచే జాతకులకు కెరీర్, డెవలప్మెంట్, విద్య, ఉద్యోగ, ఆరోగ్య, వ్యాపార, వాహన, గృహ, వివాహ, సంతాన, ఆర్ధిక, కుటుంబ, రుణ, శత్రు, రాజ్యస్థాన, లాభ స్థాన అంశాలలో అనుకోకుండానే వ్యతిరేకతలు వస్తుంటాయి.
ఎవరెవరి జాతకాలలో పితృదోషాలనేవి ఉంటుంటాయో అలాంటివారందరికి, ప్రతి సంవత్సరము 6 నెలలపాటు గోచార స్థితిగతుల ప్రకారం వ్యతిరేకతలనేవి వారి జీవన సరళిలో వస్తుంటాయి. జాతకం లో ఉండే పితృదోషాల ప్రకారం వచ్చే వ్యతిరేకతలకు తోడుగా….. ప్రస్తుతం ఖగోళంలో జరిగే గోచార గ్రహస్థి తులచే….6నెలలు వ్యతిరేఖ తలు కచ్చితంగా ఉంటూనే ఉంటాయి.పితృదోషమనే నిర్వచనం ప్రకారం….. పితృకారకుడైన రవితో శని లేదా రాహువు లేదా కేతువు కలిసినను… లేదా రవి వైపు శని 3వ చూపుతో ఏడవ చూపుతో 10వ చూపుతో చూసినపుడు కూడా పితృదోషం ఆపాదించును. ఈ పితృదోషాలలో వందలకొద్ది కాంబినేషన్లు ఉన్నాయని గత శీర్షికలలో చెప్పడం జరిగింది.
ఈ పరంపరలో ఈ 2023 ఆగస్టు 17 నుంచి సెప్టెంబర్ 17వరకు నెలరోజులపాటు సింహ రాశిలో ఉన్న రవివైపు శనిగ్రహ 7వ చూపు పడింది. తిరిగి 2023 అక్టోబర్18 నుంచి నవంబర్ 16వరకు తులా రాశిలో రవితో కేతువు కలవడం జరగనుంది.తిరిగి 2023 నవంబర్ 16నుంచి డిసెంబర్ 16వరకు నెల రోజులపాటు వృశ్చిక రాశిలో వుండే రవి వైపు శనిగ్రహ దశమ చూపుపడింది. తిరిగి 2024 ఫిబ్రవరి 13 నుంచి మార్చ్ 14 వరకు నెల రోజుల పాటు కుంభరాశిలో శనిగ్రహంతోనే రవి కలిసి సంచారం జరగనుంది. తిరిగి 2024 మార్చ్ 14 నుంచి ఏప్రిల్ 13 వరకు నెల రోజులపాటు మీన రాశిలో రాహువుతో రవి కలవటం జరగనుంది. ఆపైన తిరిగి 2024 ఏప్రిల్14 నుంచి మే14 వరకు నెల రోజులపాటు మేష రాశిలో సంచారం చేయబోయే రవిపైన శనిగ్రహ మూడవ చూపు పడనుంది. అనగా పైన పేర్కొన్న తేదీలలో రవి పైన శని చూపులు,రవితో శని కలయిక,రవితో కేతు కలయిక,రవితో రాహు కలయిక జరగనున్నవి.అనగా ఆరునెలల పాటు రవికి పితృదోషం ఆవహించిందని భావము. పరోక్షంగా చెప్పాలంటే ఈ ఆరు నెలలు అదృష్టస్థాన ఉనికి తగ్గునని భావము.
కాబట్టి ఎవరెవరి జాతకాలలో పితృదోషాలనేవి ఉంటుంటాయో, వారందరు పైన చెప్పిన తేదీలలో తగు తగు జాగ్రత్తలు తీసుకుంటూ, వారి వారి అదృష్టస్థాన ఉనికిని కాపాడుకునేవిధంగా ప్రయత్నం చేయాలి. ప్రతిసంవత్సరం…పై విధంగా 6మాసాలు దోష ప్రభావాలు ఉంటుంటాయి. ఎప్పుడైనా శని రాహువులు లేదా శని కేతువులు కలిసిన సంవత్సరాలలో….5 నెలలు మాత్రమే వ్యతిరేకతలు ఉంటుంటాయి. కనుక ఇలాంటి వ్యతిరేకతలనుంచి ఉపశాంతి పొందుటకై 2023 సెప్టెంబర్ 3వ తేదీనుంచి 97రోజుల పాటు ప్రత్యేక శాంతి హోమ కార్యములు జరుగును. ఇవి ప్రతి నెలలో 9రోజులు జరిగేలా 11నెలలు జరుగును.ఈ హోమ తేదీలనేవి పూర్తిగా తెలుసుకొనటకు “పితృదోషాలకు పరిహార శాంతులు పార్ట్ 6″లో వివరంగా ఇవ్వబడినవి. రాబోయే 8వ భాగంలో ఈ పరిహార శాంతి కార్యాల విధివిధానాలు, రుసుము చెల్లింపు విధానము, మొదలగు అంశాలన్నీ ఉంటాయని గమనించాలి.
శ్రీనివాస గార్గేయ
9348632385
